போட்ட கணக்கில் ஒரு புள்ளி தவறாமல் கூட்டிக் கழித்துக் குறையாப்பொருள் வளர்க்கும் நாட்டுக்கோட்டைச் செட்டி மரபில் நானும் பிறந்தவன் தான் ஆனாலும் என் கணக்கோ அத்தனையும் தவறாகும் கூட்டுகின்ற நேரத்தில் கழிப்பேன்; குறையென்று கழிக்கின்ற நண்பர்களைக் கூட்டுவேன், கற்பனை பெருக்குவேன் அத்தனையும் பிழையென்று துடைப்பத்தால பெருக்குவேன்; ஏதேதோ பெரும்பெரிய திட்டங்கள் வகுப்பேன்; வகுத்தது எல்லாம் வடிகட்டிப் பார்த்தபின் சிரிப்பேன் அடடா நான் தெய்வத்தின் கைப் பொம்மை